Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Marouane Fellaini Oo Dareesan In Garsoorayaal Ka Cabsanaya Muuqaalkiisa Ay Bartilmaameedsadaan Isaga.

Xiddiga kooxda Everton Marouane Fellaini ayaa sheegay inuusan bedeli doonin ciyaartiisa inkastoo uu sheegtay inay garsoorayaasha ay bartilmaameedsanayaan madaama ay ka baqanayaan isaga.

Ciyaaryahanka reer Belgium ayaa ganaax seddex ciyaar ah dusha loo saariyay bishii December ka dib markii uu herdiyay ciyaaryahanka Stoke City Ryan Shawcross.

Fellaini ayaana dareensan in garsoorayaasha uusan ka helin wax ilaalin ah ka hor inta uusan falkaas ku kicin, waxaana uu qirtay inay tahay wax isaga lagu bartilmaameedsanayo, iyadoo ganaaxaasi ka dib uu qaatay labo jaale.

“Ma ogolaanayo in daafacyada ay cagteyda ama madaxeyga ku dul socdaan.

“Hadii garsoorihii ciyaarta Stoke uu shaqadiisa si fiican u qabsan lahaa, la iima ganaaxeen.

“Mana aanan u jawaab celiyeen sidii aan sameeyay, madaama garsoorayaasha aysan seeriga yeerin karin qalad kasta oo ciyaarta ka dhaca.

“Taas marka laga soo tago, kooxda waxa ay aheyd Stoke, waana ogeyn inay ciyaaraan kubad xoog ah. Maaliyadaha ayay naga jiidayeen ciyaarta inta ay socotay oo dhan. Ugu danbeyn casaan ayaa la iisiiyay, ma ana aheyn in la siiyo. Qaladka anigaa lahaa.

“Kama xanaaqsani Shawcross. Waxa uu iska dayay inuu i celiyo, waxa uu sameeynayay kaliya shaqadiisa.

“Laakiin gacmihiisa waxa ay ku hareersanaayeen jirkeyga waqtiga oo dhan. Si kastaba, cid arintaas wax ka tiri ma jirin. Waa Ingariis, sidaasi darteed wax dhibaato ah ma lahan.”

Waxa uu hadalkiisa raaciyay in garsoorayaasha ay bartilmaameedsadaan isaga: “Waan arkaa inay ilgaar ah igu hayaan, waa ay iga baqanayaan.” ayuu yiri.

Fellaini ayaana qirtay inuu dareensan yahay in garsoorayaasha ay u bartilmaameedsadaan madaama uu dheer yahay, xoog badan yahay islamarkaana uu leeyahay timo afro ah, inay sababtay in garsoorayaasha ay mar walba isha ku dhuftaan.

“Xilli ciyaareedkeygii iigu horeeyay ee Everton waxaan qaatay 12 jaale.

“Dhamaadkii xilli ciyaareedka waxaa yimid wafuud garsoorayaal ah oo soo booqday kooxda si ay u sharaxaan sababta la ii siiyay intaas oo jaale ah.

“Laakiin waxa ay ugu danbeyn qirteen in qaar ka mid ah caalamadahaas lagu degdegay. Waxaan isweydiiyay sababta ay caalamo ii siiyaan.

“Shaki kuma jiro sababtoo ah ma ahi qof la iska agmari karo iyadoo aan la arkin. Waan dheerahay, qaabka timaheyga waa mid si sahal ah loo aqoonsan karo, tan kalena waxaan dhibaato ku ahay daafacyada.”

You must be logged in to post a comment Login