Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Toban Hindise Sharciyeed oo Maanta loo gudbiyay Baarlamaanka Soomaaliya

Xildhibaannada golaha baarlamaanka federaalka Somalia ayaa maanta loo qaybiayay xisaab xirka miisaaniyaddii ay horay u ansxiyeen xildhibaannada oo ay dowladdu ku shaqeynaysay sannadkii hore ee 2013-ka, waxaana miisaaniyadda soo gudbiyay guddiga maalliyadda, miisaaniyadda iyo la xisaabtanka hay’adaha dowladda.

Iyadoo sidoo kale, maanta xildhibaannada baarlamaanka Soomaaliya loo qaybiyay Hindise-Sharciyeedyo gaaraya toban, waxaana ka mid ahaa:

1. Hindise Sharciyeedka Xeerka Isgaarsiinta Qaranka
2. Hindise Sharciyeedka Liisamada Ganacsiga iyo Warshadaha
3. Hindise Sharciyeedka Magacyada iyo Sumadaha Ganacsiga
4. Dib u eegid Hindise Sharciyeedka Iibka Qaranka
5. Hindise Sharciyeedka dib u eegista sharcigii Jannaayo 1989-kii ee lagu dhisay hay’adda duulista rayidka iyo saadaasha hawada.
6. Heshiis ku saabsan xuquuqda Carruurta oo uu aqbalay Golaha Guud ee Qaramada Midoobay 20-kii November 1989-kii.

Hindise Sharciyeedka ugu saameynta badan ayaa waxaa ka mid ah Hindise Sharciyeedyada la-dagaalanka argigixisada oo ka kooban 36 qodob, kaasoo la doonayo inay xildhibaannadu muhiimad gaar ah siiyaan.

Qaybinta Hindise Sharciyeedyadan kaddib waxa ay xubnaha baarlamaanku gudagaleen akhrinta koowaad ee Hindise Sharciyeedka Hanti Dhowrka Guud ee Qaranka; waxaana Hindise-Sharciyeedkaas ay xildhibaannadu su’aallo ka weydiiyeen Hanti Dhowrka Guud ee Qaranka, Dr Nuur Jimcaale Faarax, iyadoo su’aalaha xildhibaannadu ay ku qotomeen sharciyada aas-aaska u ah Hanti Dhowrka Guud ee Qaranka.

Dr Nuur Jimcaale ayaa markii uu uga jawaabay xildhibaannada su’aalaha ay weydiiyeen, isla markaana uu ka dhageystay tallooyinka ay qabaan wuxuu ka dalbaday inay meel mariyaan Hindise Sharciyeedkan, maadaama dalku ka mid yahay dalalka caalamka ee lagu tilmaamo inuu musuqmaasuq xoog lihi ka jiro.

Xildhibaannada baarlamaanka ayaa lagu wadaa su’aalaha ay sharcigan ka weydiinayaan Hanti dhowrka guud ee Qaranka ay sii wadi doonaan Sabtida soo socota; waxaana dhanka kale dib loo dhigay maanta u codeynta sharciga kalluumeysiga, kaddib markii loo waayay tirada xildhibaannada u codeyn lahaa.

generic depakote, generic clomid.

You must be logged in to post a comment Login