Wafdi uu hogaaminayo Dr Saacid oo goor dhaw u’ambabaxay gobolka G/gaduud

Wasiirka 1aad ee xukuumada Somalia Dr Cabdi Faarax Shirdoon (Saacid) ayaa goor dhaw isaga iyo xubno kale waxay u’ambabaxeen gobolka G/gaduud.

Wafdigaan waxa la sheegay inay ku dagi doonaan magaalada Dhuusa-mareeb ee Xarunta gobolkaasi iyagoona la kulmi doona maamulka halkaasi ka jira iyo shacabka deegaankaasi.

Dr Saacid ayaa deegaan ahaan kasoo jeeda gobolka G/gaduud isagoonaku dhashay degmada Caabud-waaq kormeerna uu ku tagi doono.

Ilaa hadda si cad looma sheegin ujeedka ra’iisalwasaare Saacid uu ugu ambabaxay gobolka G/gaduud e bartamaha dalka Somalia.

Dad kusugan magaalada Dhuusa-mareeb ayaa iyagu buux dhaafiyey garoonka diyaaradaha magaaladaasi si ay caleemo qoyan ugu soo dhaweeyaan uguna marxabeeyaan ra’iisalwasaaraha Somalia.