Wararka laga helayo gobolka Bakool ayaa sheegaya in markale xalay diyaarado dagaal ay duqeyn xoogan ka fuliyeen qeybo ka mid ah gobolkaasi oo hoostaga K/Galbeed.

Duqeynta oo ka dhacday deegaanada Garasweyne, Abag-beeday, Gobid-Galoole iyo Moorogaabey ayaa waxaa la sheegay in lala beegsaday xubno ka tirsan Al-Shabaab.

Sidoo kale wararka ayaa intaasi ku sii daraya in weerarkan lagu dilay saraakiil iyo dagaalyahano ka tirsan Al-Shabaab, walow aysan shaacin tiradooda.

Wa markii labaad oo duqeymo diyaaradeed laga fulinayo duleedka Xudur, si go’doonka looga qaado degmadaasi oo ay isku hareereeyeen dagaalyahanada Al-Shabaab.