XOG: Gaas iyo Axmed Madoobe oo DF usoo jeediyay 2 arrin oo cabsi xoog leh ay ka qabaan

Filed under: Wararka |

 

Hogaamiyayaasha Maamul Goboleedyada Jubbaland iyo Puntland ayaa walaac ka muujinaaya duulaanka iyo dhaqdhaqaaqyada maleeshiyaadka Al ­Shabaab ay kawadaan qeybo kamid ah deegaanada maamulka.

Hogaamiyaha maamulka Puntland C/weli Gaas ayaa sheegay in deegaano dhowr ah ay maleeshiyaadka alShabaab uga sugan yihiin Puntland, waxa uuna cadeeyay in sanad ka hor ay shabaabku heysteen hal deegaan oo qura.

C/weli Gaas waxa uu tilmaamay inay sii kordhayaan maleeshiyaadka Shabaab ee ka howlgala deegaanada Puntland sidaa aawgeed ay doonayaan in garab lixaad leh laga siiyo soo afmeerida al­Shabaab.

Gaas, waxa uu farta ku goday in awooda looga saari karo Shabaab dhulka Puntland ay tahay keliya mid iskaashi, isagoo wixii intaa kasoo hara ku tilmaamay mid bacdaal ah oo aan dhaqaajinkarin shabaabka.

Hogaamiyaha Jubbaland Axmed Madoobe ayaa dhankiisa ka sheegay in maleeshiyada alShabaab ay si caadi ah uga arimiyaan dhowr deegaan oo maamul ahaan hoostaga Jubbaland, waxa uuna tilmaamay inuu jiro gaabis ka dhashay dhaqaale la’aan soo foodsaartay maamulkiisa.

Axmed Madoobe waxa uu tilmaamay in maleeshiyaadka ay dib usoo celiyeen Qaraxyada lagu aaso hareeraha waddooyinka iyo kuwa lagu dhajiyo baabuurta, isagoo sababta ku sheegay dhaqdhaqaaq la’aan heysata ciidamada maamulka oo aan iminka heysan dhaqaale ku filan.

Labada Hogaamiye waxa ay si wada jira dowlada Federaalka gaar ahaan Madaxweynaha dalka ugu baaqen fulinta 2 arrin oo kala ah:

1: ­In dowlada Somalia ay dhaqaale ku bixiso ciidamada maamulka ee la qorsheynaayo inay Shabaab ka saran deegaanada maamulka.

2­: In dowlada Somalia ay ka shaqeysiiso ciidamada isku dhafka si ay cagta u mariyaan dhammaan Shabaabka ku sugan deegaanada ay ka kala arimiyaan Puntland iyo Jubbaland.

Sidoo kale, waxa ay labada mas’uul ku eedeeyen dowlada Federaalka inay indhaha ka heysato waxyaabaha ka socda deegaanada maamulka.

Haddalka iyo soo jeedinta labada Hogaamiye maamul Goboleed ayaa kusoo beegmaaya xili maleeshiyaadka al­Shabaab ay kordhiyeen weerarada ay ka geysanayaan deegaanada maamulada Puntland iyo Jubbaland.

Posted by on February 13, 2018. Filed under Wararka. You can follow any responses to this entry through the RSS 2.0. You can skip to the end and leave a response. Pinging is currently not allowed.
[youtube https://www.youtube.com/watch?v=KOQ34B1Nfes&w=468&h=60]

Leave a Reply