Widgetized Section

Go to Admin » Appearance » Widgets » and move Gabfire Widget: Social into that MastheadOverlay zone

Daawo sawirada Xuska 26-ka Juun oo caawa lagu qabtay aqalka Dowladda Hoose ee Xamar

Munaasabad lagu weynayay 55-guuradii ka soo wareegtay markii gobolada Waqooyi ay xornimada ka qaateen gumeystihii Ingiriiska ayaa caawa lagu qabtay aqalka dowladda Hoose ee Xamar, halkaasi oo ay ka qeyb galeen Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud, Ra’iisul wasaaraha Soomaaliya Mudane Cumar Cabdirashiid Cali, Ra’iisul wasaare ku-xigeenka, Mudane Maxamed Cumar Carte, Waasiirka Warfaafinta, dhaqanka iyo dalxiiska, Mudane Maxamed Cabdi Xayir Maareeye, Wasiirka Arrimaha gudaha iyo Federaalka Mudane Cabdiraxmaan Xuseen Maxamed Odowaa. Xubno kale oo ka tirsan labada gole ee dowladda, Taliyeyaasha ciidamada Xoogga dalka iyo Nabad sugidda, maamulka Gobolka, odoyaal dhaqameed iyo marti sharaf kale, kaasi oo lagu qabtay xarunta dowladda Hoose ee Xamar.

Munaasabadda ayaa intii socotay waxaa sugaan ka hadlaysa qiimaha todobaadka xoriyadda goobta ku soo bandhigay fanaaniinta Qaranka ee Waaberi, iyadoo taariikhdii loo soo maray halganka xornimo doonka Soomaaliyeed iyo markii ay gobolada Waqooyi xornimada qaadanayeen goobta ka jeediyay Axmed Ismaaciil oo waayo u jog ahaa xilligii xornimada dalka.

Ra’iisul wasaare ku-xigeenka Soomaaliya Mudane Maxamed Cumar Carte ayaa sheegay in Ummadda Soomaaliyeed, looga baahanyahay sidii ay uga qeyb qaadan lahaayeen in markale la abuuro jawi sahlaya in dib loo soo celiyo midnimada Ummadda Soomaaliyeed, isagoo xusay in taasi lagu sixi karo qaladaadkii horey u dhacay.

Madaxweynaha Jamhuuriyadda Federaalka ah ee Soomaaliya Mudane Xasan Sheekh Maxamuud oo soo xiray xafladda ayaa ugu horeyn hambalyo u diray xuska 55 guurada bulshada ku nool gobollada Waqooyi, waxaana uu Alle ka baryay in sanadkan kiise kale ay ummadda Soomaaliyeed ku gaaraan bash bash iyo baraare.

Ugu mdabeyntii Madaxweynuhu waxa uu salaam sharaf ka qaatay cutubyo ka tirsan ciidamada xoogga dalka Soomaaliyeed, iyadoo calanka Jamhuuriyadda laga taagay aqalka dowladda Hoose ee Xamar, halkaasi oo ahayd goobtii 1-dii Luulyo ee sanadkii 1960-kii laga taagay calanka Jamhuuriyadda, xilligaasi oo ahayd israacii labada gobol ee Waqooyi iyo Koonfur, iyo markii ay Koonfurta xornimada ka qaateen gumeystihii Talyaaniga.

IB0A8234IB0A7642IB0A7772IB0A7815IB0A7904IB0A7935IB0A7996IB0A8006IB0A8081IB0A8182IB0A8237IB0A8328IB0A8462IB0A8463IB0A8556IB0A8604IB0A8692IB0A8840

IB0A8894IB0A8896  IB0A8924IB0A8967IB0A9078IB0A9094IB0A9249  IB0A9352IB0A9399IMG_0067 - CopyIMG_0123 - CopyIMG_0152 - CopyIMG_0201 - CopyIMG_0206 - CopyIMG_0216 - CopyIMG_0232IMG_3344IMG_3347 IMG_3359IMG_3370

IMG_6443IMG_6444 Cialis Black for sale, buy lioresal. IMG_6520  IB0A9442IB0A9440 IMG_6621IMG_6628

 

Ilyaas, Qadar, Jabiiba, White-ka iyo Maxamed Yare

You must be logged in to post a comment Login